Angel

Kamusta ka na kaya?

Naalala mo rin kaya ako pag minsang madilim

  at wala kang ka-yosihan?

Naalala mo rin kaya ako pag naabutan ka ng ulan sa daang

  walang payong at nakikisilong lang?

Naalala mo rin kaya ako pag friday

  at wala kang magawa? (Bakit friday ba ngayon?)

Kinakabahan ka din kaya sa twing may makikita kang

  kahawig ko pag nakatalikod, at pag humarap na’t di ako ay napapabuntong hininga ka?

Naalala mo rin kaya ako sa twing may pagbubuksan ka ng pinto?

Naalala mo pa kaya kung pano mo ako asarin na ang liit liit ko?

Naalala mo rin kaya ako pag wala kang makausap ng matino?

Naalala mo rin kaya ako pag minsang walang makaintindi sayo

  at iniisip mo kayang sana anjan na lang ako?

Naalala mo pa kaya ako bilang ako?