Angel

Nangungulila…

Sa ilang mga panahong tayo’y nagkalayo

pilit kong hinuhulma ang iyong wangis sa aking pag iisip.

Pilit ibinabalik ang mga alaala ng nakaraan

Pilit hinahanap ang iyong mukha sa gitna ng kaguluhan.

Umaasa…

Na sa kabila ng lahat ay tayo’y magkitang muli

at masilayan ang iyong mukhang

mula noo’y sa panaginip ko na lamang nakikita.

Umaasang sa kabila ng lahat ay ika’y makausap man lamang.